Эх чун, яш чун

Вĕри юн, хĕрÿ юн.

Утмăл тĕслĕ утăм пур та

Тăхăр тĕслĕ ташшăм пур.

Сакай алăк уçăлчĕ,

Пуçламан пичке курăнчĕ.

Çав пичкене ĕçмесĕр те 

Эпир кунтан каймастпăр. 

Пулă мар, шапа мар,

Шывра ишейместĕп.

Ватă мар, çамрăк мар –

Чăтса лараймастăп.

Сарри саккăр ташларĕ,

Хури тăххăр ташларĕ.

Эп ни сарă, ни хура –

Пĕрре ташласа парам-ха.

Ал ĕç тытассăм килет,

Тĕкне çăлассăм килет.

Ялĕ пĕчĕк, каччи сахал –  

Тухса тарассăм килет.

Тăпăр-тăпăр тутарать,

Ачи маттур, пултарать.

Ялти сарă хĕрсемпе

Çÿремешкĕн пултарать.

Пĕрре терĕм,

Иккĕ терĕм.

Ташламашкăн анчах мар,

Такмаксем калас терĕм.

Ах, терĕç пуль,

Мĕн терĕç пуль.

Ку хĕрарăм совеçрен те

Тухса кайнă терĕç пуль?

Чăт-чăт тăван, чăт тăван

Эпир тухса кайиччен.

Юр юрласа савниччен те,

Тăранмалăх ташличчен.

Купăспа, купăспа

Эпир ташша пит ăста.

Юрламасан-ташламасан

Пире кунта намăс та.

Унталла пăхсан та çук,

Кунталла пăхсан та çук.

Вун çич çулхи çамрăк ĕмĕр

Выртса макăрсан та çук.

https://ok.ru/video/9408677303