Эх, савниччĕ, савниччĕ,
Вĕсем манăн çиччĕччĕ.
Пурте питĕ лайăхчĕ,
Çиччĕш çичĕ тĕрлĕччĕ.
Пĕрремĕшĕ пĕчĕкчĕ –
Çур метăра яхăнччĕ.
Пукан çине тăратсан
К(ă)вапа таран кăначчĕ.
Иккĕмĕшĕ ырханччĕ –
Шăмми-тирри кăначчĕ.
Çапах унпа лайăхчĕ –
Пур çĕрти те хытăччĕ.
Виççĕмĕшĕ выçăччĕ –
Ялан апат шыратчĕ.
Каçпа ç(ы)вăрма выртсан та
Чĕчĕ ĕмсе выртатчĕ.
Тăваттăмĕше туртатчĕ –
Ялан тапак шыратчĕ.
Намăса та пĕлместчĕ –
Манран тапак ыйтатчĕ.
Пиллĕкмĕшĕ ÿсĕрччĕ,
Хыт кукарччĕ, жаднăйччĕ.
Каçпа манпа çывăрнăшăн
Ирпе укçа ыйтатчĕ.
Улттăмĕшĕ урăччĕ –
Пĕр тумлам та ĕçместчĕ.
Вырăн ăшне кĕрсе выртсан
Ÿсĕр çынран хужеччĕ.
Çиччĕмĕшĕ çирĕпчĕ –
Чăн-чăн арçын пекехчĕ.
Хур аçи пек ясарччĕ –
Кÿршĕ ами çавăрчĕ.
Эх, савниччĕ, савниччĕ,
Вĕсем манăн çиччĕччĕ.
Саккăрмĕшне тупасчĕ,
Укçи нумай пултăрччĕ.
| 
